Heritage Specialists. Green Building: Sustainable, Healthy & Energy-Efficient Home Construction
Birgaitze eta Eraikuntza Jasangarria
arkibide Respectful with each building´s identity Markina - Xemein
Igogailu eta Fatxadak
Txorierreka 30-32,
Igogailu eta begiratokiak,
Ondarroa
Jabe Elkargo hauek igogailurik ez zuten eta etxebizitza bakoitzaren sukaldeko balkoietan lehorreratzen den igogailu bat jartzea izan da konponbidea. Portal bakoitzean bana.
Igogailutik eta etxe bakoitzera arteko sarbidea beirazko itxitura batez babestuta geratzen da, itsasadarra eta Ondarroako alde zaharra ikusten diren begiratoki bat sortuz.
Auzokideek %100eko irisgarritasunaz gain, etxebizitzetan energia efizientzia hobetu eta argiztapen naturala lortu dute, fatxadan atxikitako beira gardenezko begiratokiei esker.
Obran, telekomunikabide eta gas hartuneak eraman dira etxe bakoitzera, fatxada txukun eta garbi utzita.
Abesua 15, Irisgarritasun konponbidea portalaren kanpotik, Markina - Xemein
Eraikin hau ez zen irisgarria, atariko igogailura heltzeko eskailera batzuk igaro behar baitziren.
Alboko kaletik igarotzen den ataripetik, ¨korten¨ altzairuz eraikitako triedro baten bidez desnibela gainditu eta igogailuko kota berera iristea izan da konponbidea. Triedro horretan, arrapala eta atarira sartzeko atea, pieza bakarrean batzen dira, ataripeko tonuak bereganatuz eta mantentze-kostuak saihestuz.
Bizilagunek % 100eko irisgarritasuna lortu dute eta atariaren barrualdea bere horretan mantentzen da, eraiste-kosturik, egitura barririk eta abarrik gabe.
Konponbidea guztiz itzulgarria da: nahi izanez gero, kalea kaltetu gabe kendu al delarik.
Iderraga 1-6, 6 igogailu
Markina - Xemeinen
6 atariko komunitate horrek ez zuen igogailurik eta erdiko patio pribatu baten jabea zen. Luze eta estu, igogailuak fatxadan jartzeak etxadiaren hondoko etxebizitzak ilunduko ote zituen beldur ziren.
Etxebizitza bakoitzeko sukaldeetako balkoietan lehorreratzen diren 6 igogailu hartu dira, eta horien sarbidea goiko aldean egin daitekeen beirazko itxitura baten bidez babestu da. Emaitza, hasierako errezeloak konpondu dituen begiratoki bat, dena abantaila izatea lortu duena. Bizilagunek etxebizitza-azalera handitu dute, % 100eko irisgarritasuna lortu dute eta argiztapen naturala bere horretan mantentzen da, fatxadari atxikitako beirazko begiratokiek osatzen dituzten beirazko dorreen bidez. Dorre horiek igogailua lehorreratzen dute, eta patio osoan zehar argia gurutzatzea ahalbidetzen dute.
Guen Kalea 14
​​
Fatxadako balkoietako hormigoizko lauzak egiturazko narriadura nabarmena erakusten zuen, altzairuzko barrak behar bezala estaltzen ez zirelako, eta, ondorioz, multzoa oro har herdoildu eta pobretu egiten zen.
Birgaitze-proiektua definitzeko, kontuan hartu zen eraikina 1940ko data zuela eta alde zaharrean zegoela, eta balkoiak erabat kentzea eta haien diseinua birdefinitzea izan zela: altzairuzko kaiola batzuk egitura- eta itxitura-kontzeptu gisa, aldi berean egurrezko zoru bat besarkatzen duena eta baranda osatzen duena, hori guztia elementu sinple eta freskatutzat hartuta.
Etxebizitza bakoitzari fatxadako elektrizitate- eta telekomunikazio-hartuneak kendu zitzaizkion, eta instalazio orokorra barrutik berritu zen.
Fatxadak izaera eta nortasuna irabazi zituen.
Igogailu baten instalazioa, Etxebarria​
​
Hiru solairuko bizitegi-eraikin hau 1970eko hamarkadaren amaieran eraiki zen, eta, gaur egun, adineko bizilagun bat bizi da bertan. Igogailu bat jartzea erabaki dute, solairu bakoitzeko bi ataleko eskailera zati bakarreko batez aldatuz, eta atzeko fatxadari atxikitako igogailu baterako lekua utziz.
8 lagunentzako igogailu elektrikoa, 650 kg-ko pisua eta 90 cm-ko zabalera librea aukeratu ziren.
Kabinaren barneko dimezoia 110 cm-ko zabalera x 140cm-ko sakonera du.
Eraikinaren isolamendu termikoa hobetzea, Mutriku
​
Eraikin berri honetan (2000), fatxadatik ura iragazten zen, eta etxebizitzetako baten barrualdea hondatzen zen. Horregatik, jabeari (jatorrizko fatxada osatzen duten materialen eta elkarguneen heterogeneotasuna dela eta) fatxada aireztatu batez forratzea gomendatu zaio.
Hori aprobetxatzen da isolamendu termiko handiagoa sartzeko, gaur egun energia aurrezteko dagoen ingurumen-sentsibilitateari erantzunez, alde itsuen eta zubi termikoen portaera termikoa hobetuz.
Igogailu baten instalazioa,
Ondarroa​
​
Igogailu komunitario bat jarri nahi da eskailera-kaxan, egungo eskailera ordeztuz, eta eskailera berri bat eraiki nahi da, egungo araudiarekin bat datozen neurriak eta ezaugarriak izango dituena, atzealdeko fatxadari atxikita, erkidegoaren jabetzako lursailean.
Eskailera berria ebakuazio-elementu bat izango da larrialdietan, espazio irekikoa, ikusmen-inpaktu txikikoa, giroko klimatologiarekin kontaktuan dagoena eta eguzki-argira irekia. Fatxadatik zintzilik dagoen eskailera bat, New Yorkeko sute-eskailerak omentzen dituena.